Vyhľadávací formulár

SOERA ZINOENÕ 92

Sinoenõ 92.

I. Famasoegi fanoeno Lowalangi, wamaigi folaoenia andrõ. II. Ba famaigi famatõrõnia niha.

1Fanoenõ na loeo sabato.

2I. Si sõchi, na teʼandrõ saoha gõlõ chõ Jehowa, ba na masoeno dõimõ, jaʼoegõ Fondrege zalaw̃a.(Sin. 147, 1).

3Na teʼombachaʼõ waʼeboea dõdõoe, na mahemoloe mbanoea, ba fa lõ farõi ndraʼoegõ, ba zi bongi.

4Ba zi foeloe sinali ba ba mbiola nitika, seboea, ba folaoe somasi ita, ba mbiola nitika, sideʼide. (Sin. 33, 2).

5Me õʼomoesoiʼõ dõdõgoe, jaʼeogõ Jehowa folaoelaoemõ andrõ; maʼiki dõdõgoe ba halõw̃õ dangaoe andrõ. (Sin. 104, 24. Jes. 55, 9).

6Halõw̃õ seboea halõw̃õmõ andrõ, Jehowa! No anaoe sibai geraʼeramõ andrõ.

7Ba niha si lõ tõdõ, ba lõ faʼaboto ba dõdõ, ba ba zambõ tõdõ, ba lõ fangila.

8Na manõi zeboea horõ andrõ, hoelõ ndroeʼoe ba danõ, ba na mobowo zamazõchi si lõ sõchi, ba enaʼõ tefakiko ira, si lõ fangorifi. (Sin. 37, 2).

9Ba jaʼoegõ, ba si no salaw̃a, iroegi zi lõ aetoe, jaʼoegõ Jehowa! (Sin. 97, 9).

10II. Hiza sa zi faʼoedoe chõoe, Jehowa! hiza sa zi faʼoedoe chõoe, tekiko; nifazaewe dania fefoe zamazõchi si lõ sõchi.

11Ba tandroegoe, ba õʼalaw̃aʼõ, si mane tandroe gorõbao; tehawoei ndraʼo fanicha samohoea. (Sin. 23, 5).

12Omoeso dõdõgoe wamaigi sanarogõ jaʼo andrõ; ba omoeso dõdõgoe wamondrongo he wisa ba zi maoso oedoegoe andrõ, safõchõ tõdõ chõgoe. (Sin. 91, 8).

13Satoelõ, ba manõi, hoelõ dõwoea, eboea ia, hoelõ geresi ba hili Libano. (Sin. 52, 10).

14Nitanõ ba nomo Jehowa, ba mobowo ba golajama Lowalangida andrõ. (Sin. 84, 3).

15Molewiõ na ba waʼatoea, ba fahõna nidanõ dõla ba moboeloe si bohooe. (Sin. 1, 3).

16Ba wangombacha faʼadõlõ dõdõ Jehowa, weʼeweʼe andrõ chõgoe, ba lõ si lõ atoelõ ba chõnia. (Moz. V. 32, 4).

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index